عيد رأس السنة
كامل الحلبي - 31\12\2-12
يا عيد أجّل مجيتك مرّه | |
تتجيب إلنا فرح ومسرّه | |
العيد ان إجا عاناس عم بتموت | |
بتصير طعمة حلوتو مُرّه | |
بالعيد كانوا يتزيّنوا لبيوت | |
يضوي شجر ميلادنا درّه | |
واليوم عزوة شامنا تابوت | |
رايح شهيد وجاي من برّى | |
يا شامنا قولي لخريفك فوت | |
بيكفي دمار وشجر يتعرّى | |
من غصوننا عم تسقط وراق التوت | |
وكل يوم يبكينا محمد الدرّه | |
إسمك سوريا عالقلب منحوت | |
وتتظل فيكي العرب تتمرّى | |
شيلي الأجنبي من الشام من بيروت | |
وخلي الأمن هالسنه ينعاد | |
بتعيش أرض بلادنا حرّه |